“Şerif”ə məğlub olaraq Avropa Liqası ilə vidalaşan “Zirə” Konfrans Liqasına parlaq qələbə ilə başladı.
“Qartallar” II təsnifat mərhələsinin ilk qarşılaşmasında hər hissədə 2 qol vurmaqla “DAC 1904”ü meydana çıxmağa peşman etdi – 4:0.
Bu, Slovakiya təmsilçisinin avrokuboklar tarixinə ikinci darmadığın kimi düşdü.
Beynəlxalq klub turnirlərinə 1987-ci ildə İntertoto kubokunda start verən “sarı-göylər” bu görüşə qədər Avropa Liqasında və Konfrans Liqasında 31 qarşılaşmada meydana çıxmışdı.
Bir çox oyunlarda yenilgi acısı yaşasa da, 4 və daha çox top fərqi ilə yalnız İtaliya A Seriyasının təmsilçisi “Leççə”yə uduzmuşdu. 2020-21 mövsümündə Avropa Liqasının 3-cü təsnifat mərhələsi çərçivəsində İtaliyada keçirilən dueldə meydan sahibləri “DAC 1904”ü 7:0 hesabı ilə məğlubiyyətə uğratmışdı.
Odur ki, “Zirə” bu komandanın qapısından 4 cavabsız top keçirməklə slovaklara unudulmaz dağ vuran ikinci komanda kimi tarixə düşdü.
Komandalar arasında cavab qarşılaşması avqustun 1-də Slovakiyada keçiriləcək.
HƏBİB / SPORTİNFO.AZ