"Birinci hissənin ilk 5-10 dəqiqəsi bizim üçün yaxşı başladı, amma, sonra oyun bizim üçün çətinləşdi.
İstədiyimiz hücumları qura bilmirdik".
Sportinfo.az xəbər verir ki, bunu “Zirə”nin baş məşqçisi Rəşad Sadıqov Premyer Liqanın 28-ci turunda "Şamaxı" ilə keçirilən oyundan (3:0) sonra mətbuat konfransında deyib.
Mütəxəssis bildirib ki, fasilədən sonra komandası xeyli fəallaşıb və vacib 3 xalı qazanıb:
"Bilirdik ki, rəqib əzmkardır. Xüsusilə, son turlarda iddialı komandalara qarşı yaxşı oyunu ilə seçilir.
Biz oyuna yaxşı köklənmişdik. Fasilədə daha çox hücumda daha fəal olmağı tapşırıqlarını verdik.
Çünki 0:0 hesabı bizi qane etmir və "Şamaxı"nın əks hücumları, cinahdan asmalarından hər an fərqlənə bilərdilər.
Hesabı açdıq və 2-ci qoldan sonra oyun bizim üçün daha rahat keçdi".
Baş məşqçi növbəti 2 turda qarşılaşacaqları "Qarabağ" və "Neftçi" oyunları haqqında da fikirlərini bölüşüb:
" Həmin oyunları nəzərə alsaq, bu matçda 3 xal qazanmağımız olduqca önəmli idi. Qarşıdakı matçlara da xallar qazanmaq üçün çıxacağıq".
.jpg)
