_oyunundan_fotolar_____zirpfk__zirilzirvy__qartallar(jpg)_1.jpg)
Bu mövsüm avrokuboklardakı "Zirə" hər kəsin rəğbətini qazana bildi.
"Qartallar" tarixində ilk dəfə Konfrans Liqasının pley-off mərhələsinə kimi yüksəldi.
Özü də kifayət qədər baxımlı oyunla.
Amma nədənsə həmin parlaq çıxışın davamını Premyer Liqanın birinci yarısında tam görə bilmədik.
Rəşad Sadıqovun kollektivi mövsümün ikinci yarısına əla start verib.
Bakı təmsilçisi keçirdiyi hər iki görüşdə də qələbəyə sevinib.
Görəsən, yaydakı "Zirə"nin qayıtdığını deyə bilərik?
"Zirə" ilə bərabər milli komandamızın da üzvü olan Ceyhun Nuriyev sualın cavabında bunları deyib:
"Düzdü, mövsümə yaxşı başlamışdıq. Avrokuboklarda nəticələr ürəkaçan idi. Məncə, həmin "Zirə" qayıdacaq.
Düşünürəm ki, çempionatla avrokuboklar arasında fərq var. Orada hər iki tərəf açıq futbol oynayır. Stadionlar yaxşı olur, atmosfer başqa olur. Öz futbolunu oynaya bilirsən. Ona görə "Zirə"nin oyunu baxımlı alınırdı.
Çempionatda çətindir. Burada rəqiblərin çoxu müdafiədən oynayır. Stadion və azarkeş amili ola bilsin ki, "Zirə"nin oyununu bir az zəif göstərir".
XANOĞLAN
