Premyer Liqanın 18-ci turu çərçivəsində “Səbail” öz meydanında “Zirə”ni qəbul edəcək.
Meydan sahibləri vacib oyuna beş itki ilə çıxacaq.
Belə ki, bir müddət öncə əməliyyat masasına uzanmış Amir Bilali ilə Ayman Buali bu görüşdə meydana çıxmaqdan məhrumdur. Məşqdə xəsarət alan Cabir Əmirli də qarşılaşmanı kənardan izləyəcək.
Əlavə olaraq iki legioner – Gitay Sofirlə David Qomisin durumu da ürəkaçan deyil. Kollektiv çalışmalardan uzaq düşən əcnəbilər “Zirə”yə qarşı mübarizə aparmaq gücündə deyil.
Qonaqlar isə üç futbolçunun xidmətindən yararlana bilməyəcək. Rüstəm Əhmədzadə, Qismət Alıyev və Eldar Quliyev zədəyə görə oynaya bilməyəcəklər.
Dekabrın 21-də “ASCO Arena”da baş tutacaq qarşılaşmanın start fiti saat 18:30-da çalınacaq.
HƏBİB / SPORTİNFO.AZ
