"Son oyunda olanları düşünmək yox, qarşıdakı turlara köklənmək lazımdır”.
Bu sözləri Sportinfo.az-a açıqlamasında “Kəpəz”in müdafiəçisi İlkin Qırtımov deyib.
Gəncə təmsilçisi Premyer Liqanın ilk 11 həftəsində cəmi 3 xal toplaya bilib. Yalnız “Neftçi” üzərində qalibiyyət əldə edən “sarı-göylər” turnir cədvəlinin son pilləsində məskunlaşıb.
Görəsən, bundan sonra komandanın özünə gəlməsi çətin olmayacaq ki? İlkini dinləyək:
“Gələn həftələrdə maksimum xallar qazanmağa çalışacağıq. Turnir cədvəlində sonuncu pillədən uzaqlaşmağın yeganə çarəsi budur.
Vəziyyətimiz həqiqətən də çətindir. Bunu hər birimiz yaxşı başa düşürük.
Amma komandamızda heç kim ümidsiz deyil. Mövsüm uzundur. Növbəti həftələrdə çox şey dəyişə bilər”.
