“Dəqiq nəsə demək üçün oyunun təkrarına baxmaq lazımdır”.
Sportinfo.az xəbər verir ki, bu sözləri “Zirə”nin hücumçusu Rüstəm Əhmədzadə deyib.
Premyer Liqanın 11-ci turunda “Araz-Naxçıvan”la bərabərə (1:1) qaldıqları oyun barədə danışan forvard hesabda öndə olarkən ikinci qolu vurmadıqları üçün təəssüflənib:
“Rəqib heç nədən penalti qazandı. Halbuki “Araz-Naxçıvan”ın real qol epizodu yox idi.
Biz ikinci qolu vura bilərdik. Təəssüf ki, bunu bacarmadıq.
Halbuki hesabı 2:0 etsəydik, sonda daha rahat oynayardıq. Məncə, biz qələbəyə daha layiq idik.
Hansısa komandanın aşkar üstünlüyü olduğunu düşünmürəm. Meydanda daha çox mübarizə gedirdi və qapılar qarşısında real qol epizodları çox az idi”.
