![Onlara görə “Zirə”yə müraciət etdi - Slovakiya təmsilçisi](https://www.sportinfo.az/media/2024/07/24/dac_5.jpg)
İyulun 25-də “Zirə” “DAC 1904”ü qəbul edəcək.
Avropa Konfrans Liqasının ikinci təsnifat mərhələsi çərçivəsində baş tutacaq oyun “Dalğa Arena”da keçiriləcək.
Slovakiya təmsilçisi Bakıdakı qarşılaşmada dəstəksiz qalmayacaq. Sevimli komandalarını dəstəkləmək üçün Dunayska-Streda şəhərindən paytaxtımıza 40-a yaxın fanatın gəlməsi nəzərdə tutulub.
Hər halda, “DAC 1904” rəsmiləri “Zirə”dən qonaq sektorda məhz bu qədər yerin ayrılmasına dair müraciət edib.
Cümə axşamı “Dalğa Arena”da gerçəkləşəcək qarşılaşmanın start fiti saat 20:30-da çalınacaq.
HƏBİB / SPORTİNFO.AZ