![UEFA "Zirə" üçün estonları MƏSLƏHƏT GÖRDÜ](https://www.sportinfo.az/media/2024/08/16/455719599_1036668981147375_4063447028837804794_n.gif)
Kiprdə yerli "Omoniya" və "Zirə" arasında keçiriləcək Konfrans Liqasının pley-off mərhələsinin ilk oyununun təyinatları bəlli olub.
Sportinfo.az UEFA-nın rəsmi saytına istinadən xəbər verir ki, qarşılaşma Estoniyadan olan hakimlər briqadasına tapşırılıb.
Baş hakim Yuri Frişer olacaq. Ona Veyko Motsnik və Sander Saqa kömək göstərəcək.
Dördüncü hakim funksiyasını Kristo Küllyastinen yerinə yetirəcək. VAR-da Kristo Tohver, AVAR-da Yonas Yanovits əyləşəcək.
Avqustun 22-də GSP stadionunda təşkil olunacaq matç Bakı vaxtı ilə saat 21:00-da start götürəcək.
Bir həftə sonra baş tutacaq cavab qarşılaşmasının start fiti isə 20:00-da səslənəcək.