Azərbaycan millisinin voleybolçusu Aleksandr Melnikov “Korona Braşov”un heyətində Rumıniya çempionatının finalına yüksəlib.
Sportinfo.az xəbər verir ki, yarımfinal seriyasında iki qələbə qazanan komanda “Krayova”nı bu dəfə 3:1 hesabı ilə məğlub edib.
“Korona Braşov”un finala vəsiqəsini təmin edən ikinci görüşdə Melnikov 21 xal toplayaraq bombardir olub.
Cari mövsümü ikinci pillədə başa vuran Melnikovun klubu finalda Buxarest “Dinamo”su ilə qarşılaşacaq.
