Türkiyə prezidenti Rəcəb Tayyib Ərdoğan UEFA-nın İstanbulda nümayəndəliyini açmağa hazırlaşır.
Açılış mərasimi aprelin 24-nə təyin olunub və tədbirdə 50-dən çox federasiya rəhbəri, həmçinin, dünya futbolunun ulduzları iştirak edəcək.
Sportinfo.az xəbər verir ki, bu barədə Türkiyə Prezident Administrasiyası bəyanat yayıb:
“UEFA-nın İstanbul nümayəndəliyinin açılış mərasimi aprelin 24-də, prezident Rəcəb Tayyib Ərdoğanın iştirakı ilə baş tutacaq.
Açılışdan bir gün əvvəl Çırağan sarayında UEFA-ya üzv olan 55 ölkənin futbol federasiyaları prezidentləri və dünya futbolunun ulduzlarının dəvət olunduğu rəsmi qəbul təşkil olunacaq”.
Hazırda UEFA-nın təmsilçiliyi olan iki şəhər var – London və Brüssel. Həmçinin, FİFA-nın Türkiyədə öz ofisini açmağı planlaşdırdığı, ancaq şəhərin hələ müəyyənləşdirilmədiyi də bildirilir.
