Məlum olduğu kimi, Türkiyə Kubokunun 1/4 finalında keçirilən “Fənərbaxça” - “Qalatasaray” (1:2) derbisindən sonra “Fənərbaxça”nın portuqaliyalı çalışdırıcısı Joze Mourinyo rəqib məşqçi Okan Burukun burnundan tutub.

“Qalatasaray”ın çalışdırıcısı isə bundan sonra yerə yıxılıb və yenidən arenada ara qarışıb.

Sportinfo.az xəbər verir ki, “Fənərbaxça” sözügedən görüntülərlə bağlı sosial şəbəkə hesabında açıqlama edib:

“Matçdan sonra hakimlərlə görüşən baş məşqçimiz Joze Mourinyoya əl sıxmaq bəhanəsi ilə yaxınlaşan, onu əl jestləri ilə təhrik edən, polis xəttini keçdikdən sonra əl-qol hərəkətləri etməyə cəsarətlənən Okan Burukla bağlı açıqlamamız belədir:

Texniki direktorumuz bu təxribatlara cavab olaraq bir anlıq burnuna toxunduqdan sonra sözügedən şəxs şişirdilmiş şəkildə özünü yerə atıb.

Təxribatlarının davamı kimi peşəkarcasına özünü “vurulmuş” kimi yerə sərən bu şəxsin hörmətsiz sözləri və hərəkətləri görüntülərdə yer alır.

Burnuna toxunan saniyə yerdə qıvrılan adamın mənasızlığı və hərəkəti bütün ictimaiyyətə məlumdur.

Futbolçu karyerasında özünü yerə atan bu adamın görüntülərinin onun məşqçilik dönəmində də davam etdiyi və bu münasibətin xarakterik duruş olduğu açıq-aydın görünür.

Aydındır ki, çirkin təxribatların və ondan sonra baş verənlərin qiymətləndirilməsi birtərəfli olmamalı, səbəb-nəticə əlaqəsinə əsaslanmalıdır”.