“Ankaragücü”nün formasını geyinən Azərbaycan yığmasının hücumçusu Renat Dadaşov zədəsini tam sağaltmayıb.
Sportinfo.az xəbər verir ki, bunu Türkiyə klubunun baş məşqçisi Kenan Koçak açıqlayıb.
Mütəxəssis Renat Dadaşovun onlarla birlikdə Antalyaya təlim-məşq toplanışına yollanmasına baxmayaraq, zamana ehtiyacının olduğunu bildirib:
“Müalicəsi davam edir. Onu da ən yaxın zamanda meydanda görəcəyik”.
Oktyabrın 21-də əməliyyat olunan 25 yaşlı futbolçu millinin Estoniya və İsveçə qarşı oyunlarının heyətindən kənarda qalıb.
Renat "Ankaragücü"nün heyətində 2024/2025 mövsümündə 9 oyunda 2 qol vurub.
.jpg)
