![AFFA müqaviləni uzatmadı, yeni prezident mühüm vəzifə təklif etdi](https://www.sportinfo.az/media/2024/07/22/451764410_2769443893232110_4343207610576878152_n.gif)
AFFA Hakimlər Komitəsinin sədri postundan ayrılan Barış Şimşek yeni təklif alıb.
2 il ölkəmizdə çalışan funksionerinə Türkiyə Futbol Federasiyasından (TFF) dəvət gəlib.
Bilindiyi kimi, iyulun 18-də federasiyanın prezidenti vəzifəsinə növbədənkənar seçki keçirilib. Sözügedən vəzifəyə iki namizəd olub: İbrahim Hacıosmanoğlu və əvvəlki prezident Mehmet Büyükekşi.
![](https://komanda.az/wp-content/uploads/2024/07/201319_zkugm6ihak.jpg)
Daha çox səs toplayan (134) İbrahim Hacıosmanoğlu federasiyanın yeni prezidenti seçilib. 2013-2015-ci illərdə “Trabzonspor”un prezidenti olmuş iş adamı 2027-ci ilin iyun ayına kimi vəzifəsini icra edəcək.
İbrahim Hacıosmanoğlu Barış Şimşeyi Mərkəzi Hakimlər Komitəsinin başına gətirmək istəyir. Tərəflər arasında danışıqlar ötən həftəsonu başlayıb.
SPORTİNFO.AZ