Türkiyə Almaniyada keçirilən Avropa çempionatına qələbə ilə başlayıb.
F qrupunda yer alan qardaş ölkə komandası Gürcüstanla matçda 3:1 hesablı qələbə qazanıb.
Mərt Müldür 25-ci, Arda Gülər 65-ci dəqiqədə fərqlənib. Türkiyə millisində son nöqtəni Kərəm Aktürkoğlu 90+7-ci dəqiqədə qoyub. Gürcülərin yeganə qolunu isə 32-ci dəqiqədə Georgi Mikautadze vurub.
Dortmund şəhərinin “Siqnal Park” stadionunda keçirilən qarşılaşmanı minlərlə türk fanat izləyib.
Onlar hakimin final fitindən sonra arenada şölən yaradıblar. Burada “ay-ulduzlular”ın şərəfinə qələbə mahnısı səsləndirilib.
Bu matçı izləyənlər arasında “Sportinfo TV”nin redaktoru İlkin Fikrətoğlu da olub.
Onun redaksiyamıza göndərdiyi görüntüləri o ab-havanı bir daha yaşamaq mənasında çox maraqlıdır.
VİDEONU BU LINKƏ DAXİL OLARAQ İZLƏYİN:
.jpg)