“Qazandığımız müsbət nəticələrdə rəhbərliyin rolu böyükdür”.
Bu sözləri Sportinfo.az-a açıqlamasında “Turan Tovuz”un müdafiəçisi Hayderson Hurtado deyib.
Fevralda Azərbaycana gələn və 1,5 illik müqavilə imzalayan kolumbiyalı legioner avrokuboklara vəsiqə qazanmaq iddiasında olduqlarını bildirib.
Cənubi amerikalı arxa xətt oyunçusu bu səbəbdən hələlik pul mükafatı haqda düşünmədiklərini söyləyib:
“Xeyr, bizim hələ yolumuz uzundur. Futbolçular yaxşı mükafatlar alacaq.
Komanda rəhbərliyin dəstəyini hiss edir. Bu da kollektivin oyunlara yüksək motivasiya ilə köklənməsinə səbəb olur”.
Premyer Liqada 28 tur arxada qalıb. “Turan Tovuz” bu müddət ərzində 43 xal toplayıb və turnir cədvəlinin 4-cü pilləsində yerləşib.
