«Çox mükəmməl azarkeşlərimiz var».
Bu sözləri Sportinfo.az-a açıqlamasında «Turan Tovuz»un qapıçısı Sergey Samok deyib.
2024-ci ilin yayında Azərbaycana gələn rusiyalı legioner bildirib ki, Tovuzda möhtəşəm azarkeş dəstəyinin qarşısında oynamağın əlavə üstünlüyü var:
«Oyun vaxtı ab-havanı hiss etməyə imkan olur. Hər qarşılaşmada tribunaları doldururlar.
Tribunada azarkeş çox olanda, futbolçuların qələbə əzmi və məsuliyyət hissi daha da artır.
Qapıçıyam deyə, onların dəstəyini bəlkə də daha çox mən hiss edirəm.
Hər birinə təşəkkür edirəm. Bu cür atmosferdə oynamaq həqiqətən zövq verir».
