Premyer Liqada mövsümün birinci yarısını arxada qoyduq. Qışa qədər olan dövrü uğurlu keçirən klublardan biri də "Turan Tovuz" oldu.
Bölgə klubu 18 matçda aktivinə yazdığı 32 xalla tətilə üçüncü pillədə yollana bildi.
Kollektivdən fərqli olaraq arxada qalan iki dövrəni Araş Qaderi üçün uğurlu hesab etmək olmaz.
Kurban Berdiyevin israrı ilə transfer olunan iranlı müdafiəçi heç cür əsas heyətdə möhkəmlənə bilmədi. 2 görüşdə əsas heyətdə yer alan 26 yaşlı stoper 6 matçda isə əvəzetmədən oyuna daxil oldu.
Görəsən, belə uğursuz gedişat nə ilə bağlıdır?
Cavabı əcnəbi futbolçunun dilindən eşidək:
"Start heyətində kimin oynayacağına baş məşqçi qərar verir. Əlbəttə, hamı əsas heyətdə oynamaq istəyir.
Amma ötən mövsüm və bu mövsümün əvvəli mənim üçün uğursuz oldu. Çünki zədələrim oldu.
Son oyunlarda özümü yaxşı hiss edirəm. Oyunlar keçdikcə formaya düşürəm".
XANOĞLAN/ SPORTİNFO.AZ
