.jpg)
Xəbər verdiyimiz kimi, AFFA Hakimlər Komitəsinin sədri Frank De Bleker Premyer Liqanın 7-ci turunda keçirilən "Turan Tovuz” - "Araz-Naxçıvan" oyununda (1:2) qeydə alınan mübahisəli epizodu şərh edib.
O, FİFA referisi Elçin Məsiyevin "Turan Tovuz"un futbolçusu Roderik Millerin üzünə təpiklə vuran "Araz-Naxçıvan"ın oyunçusu Ramon Maçadoya sarı vərəqə veriməsinin doğru qərar olduğunu bildirib.
Frank De Bleker FİFA referisinin qərarını belə izah edib:
"Top havada olan zaman “Araz-Naxçıvan”ın oyunçusu Ramon Maçado topa oynamaq istəyir və ayağının ucu ilə “Turan-Tovuz”un futbolçusu Roderik Millerin baş nahiyəsinə zərbə endirir. Hakim oyunçunun düşüncəsiz davranışına görə ona sarı vərəqə göstərir.
Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik.
O, ayağının ucu ilə (butsun altı ilə deyil) müdafiəçinin başına/üzünə aşağı intensivliklə və o qədər də güclü olmayan zərbə endirir.
Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas/qayda pozuntusu deyil".
"Turan Tovuz"un mətbuat xidmətinin rəhbəri Süleyman Tağıyev isə Millerin son durumuna aid şəkli paylaşaraq Blekerin qərarına etirazını bildirib. Şəkildə Millerin gözünün altında böyük şiş olduğiu görünür.
