![“Turan”da fərqli dönəm başladı - Son 4 mövsümdə ilk dəfə](https://www.sportinfo.az/media/2024/08/19/455879355_17956883210803178_2844057498011506710_n.jpg)
“Turan Tovuz” Azərbaycan Premyer Liqasında yubiley qələbəsini qazanıb.
Sportinfo.az Peşəkar Futbol Liqasının mətbuat xidmətinə istinadən xəbər verir ki, Kurban Berdıyevin yetirmələri III turda “Kəpəz”i səfərdə məğlub edib – 3:0.
Bu, Premyer Liqada 3-cü mövsümünü keçirən klubun 75-ci matçı və 25-ci qələbəsi olub. “Turan Tovuz” evdə 13, səfərdə 12 dəfə qalib gəlib.
Qərblilər cari mövsüm ilk üç turda qol buraxmayıb. Bu, son 4 mövsümdə ilk belə seriyadır.
Çempionatın ilk üç oyununda qol buraxmayan sonuncu komanda “Şamaxı” olub. Daha əvvəl “Keşlə” adlanan klub üçün 2020/2021 mövsümünün startı uğurlu alınıb.