.jpg)
"Turan Tovuz" doğma meydanda tarixinin ən ağır məğlubiyyətini "Sumqayıt"dan aldı.
Yaxşı mövsüm keçirən Qərb təmsilçisi Premyer Liqanın 31-ci turunda "kimyaçılar"ı qonaq edirdi.
Avrokuboklara çıxmağa yaxın olan bölgə klubu gözlənilmədən ağır məğlubiyyətə üzülməli oldu - 1:4.
Matçdan sonra üzgün görünən futbolçulara ilk dəstək kapitandan gəldi.
Belə ki, ehtiyat skamiyada yer alan Kamal Bayramov hər kəsi başına yığıb, təxminən 2 dəqiqə onlarla söhbət etdi.
Tribunaları isə artıq hesab 3:1 olanda tərk edənlər vardı.
Amma sona kimi futbolçuların yanında olanlar da az deyildi.
Bayramov nitqini bitirəndən sonra futbolçuları onların önünə gətirib, mənəvi dəstək üçün təşəkkür etməyi də unutmadı.
XANOĞLAN / SPORTİNFO.AZ
Aşağıdakı linkdə həmin anlara baxa bilərsiniz:
