«Sizi inandırım, turnir cədvəli, yaxud başqa nəsə haqda fikirləşmirik».
Bu sözləri Sportinfo.az-a açıqlamasında «Turan Tovuz»un yarımmüdafiəçisi Xəyal Nəcəfov deyib.
O bildirib ki, turnir cədvəlinin liderlər qrupunda yer almaları komandanın üzərində əlavə təzyiq yaratmır:
«Hansı pillədə yer almağımıza baxmayaraq, hər oyuna qələbə qazanmaq üçün çıxırıq. Hər qarşıdan gələn matçı düşünürük.
Mövsüm uzundur. Bilirik ki, hər həftə bütün gücümüzlə mübarizə aparmalıyıq. Çünki Premyer Liqada asan oyun yoxdur».
