Türkiyədə təlim-məşq toplanışında olan "Turan Tovuz" ilk yoxlama oyununa çıxıb.
Rayon təmsilçisi Rumıniyanın yüksək liqasında mübarizə aparan "Qloria Bizau" ilə qarşılaşıb və 0:2 hesabı ilə uduzub.
Budesku (9) və İşfan (86) həmyerlilərimizin qapısına yol tapıb.
"Qloria Bizau" matçın "yutub" üzərindən canlı yayımını təşkil etmək istəyib. Kurban Berdiyev buna razı olmayıb.
Baş məşqçi ötən ilin yayındakı kimi, yenə toplanış çərçivəsində keçirilən görüşlərin internet vasitəsilə görüntüləməsinə qarşı çıxıb.
73 yaşlı çalışdırıcı Premyer Liqadakı rəqiblərinin komandası barədə son məlumatlar toplamasını bu yolla əngəlləyib.
"Turan Tovuz" Antalyada daha bir yoxlama oyunu keçirəcək. Özbəkistan təmsilçisi "Paxtakor"la qarşılaşma yanvarın 12-nə nəzərdə tutulub.
Bu qarşılaşma da heç bir yerdə göstərilməyəcək.
SPORTİNFO.AZ
.jpg)
