«Sumqayıt» Premyer Liqanın son turunda «Qarabağ»dan 5 cavabsız top buraxdı.
Vaqif Cavadovun buna görə dərin sarsıntı keçirdiyini zənn etmirəm.
«Qarabağ»a uduzublar, burada nə var ki..?
Cavadovun oyuna başqa gözlə baxmasını hiss etdim. O, sanki hakimin final fitini bir qədər də gec səsləndirməsini arzulayırdı.
Yox ki, hesabın daha da böyüməsini istəyirdi. Ona lazımdır ki, qış fasiləsində kimlərlə yolları ayıracaqlarını tez qətiləşdirsin.
Ehtimal edirəm ki, bu matçda forma geyinənlərin bir neçəsini yeni ldən «Sumnayıt»da görməyəcəyik.
Elə məğlubiyyətlər var ki, komandanın yararınadır. Onda bilirsən ki, kimlə yoluna davam edə bilərsən, kimlə yox.
Samir Abasov «sağ olsun», yayda və payızın lap başında buranı yararlı-yararsız o qədər legionerlə doldurub, tut başını, qaç qaça bildiyin yerdə.
«Sumqayıt» bu mövsüm medallara iddia etmir. Yenidən avrokuboklarda iştiraka hazır deyillər. Abasovun yanlış transfer siyasəti komandanın gücünü alıb,
Vaqif Cavdovun ən böyük xidməti o olar ki, «Sumqayıt»ı turnir cədvəlində təhlükəli zonadan tam uzaqlaşdırsın.
Orta sıraların birində mövqe tutmaq onlar üçün qazanc sayılacaq.
MUSA
