"Sumqayıt"da işlərin yolunda getmədiyi dönəm Vaqif Cavadovun atdığı radikal qərarlardan biri təcrübəli qapıçı Mehdi Cənnətovu ehtiyat skamiyaya göndərib, əvəzində gənc Xəyal Fərzullayevə güvənməsi oldu.
Gənc futbolçunun gənclər millimizin düşərgəsindən zədəli qayıtması "Sabah"la görüşdə Cənnətovun əsas heyətə yolunu yenidən açmış oldu.
Görəsən, gənc mütəxəssisin onunla bağlı verdiyi məlum qərar milli komandamızın da üzvü hesab olunan qolkiperə necə təsir edib?
Çərçivə qoruyucusunun sualımıza cavabı belə oldu:
"Məşqçilər vəziyyəti mənə izah etdilər. Mən də çox sakit formada qarşıladım.
Düşünürəm ki, Xəyal da meydanda olduğu 3 görüşdə özünü yaxşı səviyyədə göstərə bildi. Mən də bu müddətdə ona dəstək oldum.
Əgər belə olması komandanın xeyrinədirsə mən nəsə deyə bilmərəm".
Cənnətov davamında bir müddət ehtiyatda qalmasının onun üçün də faydalı olduğunu etiraf edib:
"Əlbəttə, bir neçə oyun kənarda qalmaq mənim xeyrimə oldu. Ramazan ayına təsadüf etməsi yaxşı idi.
Məncə, tək bu görüş yox, əvvəlki oyunlarda da yaxşı oynamışdım (gülür). Təbii ki, "Sabah"la kubok oyunu istisnadır. Orada komanda olaraq çox qol buraxdıq".
XANOĞLAN / SPORTİNFO.AZ
(1).jpg)
_5.jpg)
.jpg)
