"Sumqayıt"ın prezidenti Riad Rəfiyev Sportinfo.az-a açıqlama verib.
O, ilk öncə Premyer Liqanın ötən mövsümlə bu sezonun müqayisə edib:
"Ötən mövsüm çox maraqlı keçdi. Son tura qədər mübarizə getdi. 2024/25 sezonun birinci yarısını arxada qoyduq.
Ümid edirəm ki, bu mövsüm daha maraqlı olar. Hələ qarşıda 18 tur bizi gözləyir".
"Sumqayıt" üçün bu mövsüm heç də uğurlu start götürməyib. Yayda ölkəmizi Konfrans Liqasında təmsil edən "kimyaçılar" indi avrokuboklar zonasından çox uzaq düşüb.
Görəsən, belədə komandanın qış fasiləsində məqsədi nə olacaq? Daha da güclənib yeni ildə avrokuboklar üçün sona kimi mübarizə aparmaq, yoxsa məhdud heyət və büdcə ilə elitada qalmaq məqbul sayılacaq?
Klub rəhbərinin qısa cavabında çox iddialı fikirlər yer alıb:
"Bizim hədəfimiz hər zaman ən yuxarı yerlər üçün mübarizə aparmaq olub. Qarşıdakı hər oyuna qələbə üçün meydana çıxacağıq".
XANOĞLAN
