Azərbaycan Premyer Liqasının XV turunda "Zirə"nin qonağı olacaq "Sumqayıt" oyuna dörd itki ilə çıxacaq.
Sportinfo.az xəbər verir ki, sarı vərəqə limiti dolan ekvadorlu yarımmüdafiəçi Cordan Rezabala cəzalı duruma düşüb.
İsa Sulimanın ən azı aprel ayına qədər yaşıl meydanlardan kənarda qalacağı öncədən bəlli idisə, Fernando Medeyros və Silvanus Nimeli də zədə zəbəbindən "Zirə"yə qarşı oynaya bilməyəcək.
"Zirə" - "Sumqayıt" qarşılaşması noyabrın 30-da keçiriləcək. Matçın start fiti saat 17:00-da səsləndiriləcək.
