"Sumqayıt"da 3 günlük fasilə dünən başa çatıb.
Kollektiv Vaqif Cavadovun rəhbərliyi altında hazırlığı doğma şəhərdə bərpa edib.
Amma iki nəfər düşərgədə yer almayıb.
Söhbət Fernando Medeiros və Mehdi Cənnətovdan gedir.
Braziliyanın zədəsi varsa, millimizin qolkiperi şəxsi işləri ilə bağlı ölkə xaricinə yollanıb.
O, bu səbəbdən gənc mütəxəssisdən əlavə 2 gün icazə alıb.
Xatırladaq ki, Millətlər Liqasında arxada qalan 4 matçın hamısında 90 dəqiqə meydanda olan 32 yaşlı futbolçu bu dəfə Fernandu Santuşdan dəvət almayıb.
XANOĞLAN/ SPORTİNFO.AZ
