"Sumqayıt"ın müdafiəçisi Murad Xaçayev Premyer Liqanın 11-ci turunda "Səbail"i məğlub etdikləri matç haqda ra Sportinfo.az-a müsahibə verib.
O, ilk öncə qarşılaşma barədə danışıb.
- Çox sevinirik ki, qələbə qazandıq. Bu oyun cədvəl baxımından çox vacib idi.
- Rəqibin qaçırdığı penaltini düşünsək, 3 xala görə bəxtinizə minnətdar olmalı olduğunuzu demək olar?
- Çox vaxt şans bizim tərəfimizdə olmur. Bu dəfə bizdə bir az bəxt gətirdi. Lakin bu matçda qələbəni haqq edirdik. Rəqib penalti zərbəsindən başqa qapımıza ciddi təhlükə yaratmadı.
- Alt sıralardan nisbətən uzaqlaşdınız. Bu qələbə məqsədlərinizi böyüdə bilər, yoxsa hədəf Liqada qalmaqdır?
- Bizim vəzifəmiz hər oyuna qələbə üçün çıxmaqdır. Cədvəldəki vəziyyətimizi düzəltməliyik və bunun üçün maksimum çalışacağıq.
- Vaqif Cavadovla ilk qələbə əldə olundu. Yeni çalışdırıcı nələri dəyişə bilib, hansı yenilikləri komandaya daşıyıb?
- İnşallah, bu qələbə bizim qələbələrimizin başlanğıcı olar. Yeni olan nədir? Düşünürəm ki, bu, komanda daxilində qalmalıdır.
- Qarşıdan "Sabah"la matç gəlir. Gözləntilərin necədir? Qələbə ruhunu qorumaq çətin olmayacaq?
- Biz evdə oynayırıq. Azarkeşlərimizin dəstəyi ilə qələbə üçün meydana çıxacağıq.
XANOĞLAN İMANOV
