"Sumqayıt"ın yarımmüdafiəçisi Cordan Rezabala Premyer Liqanın 11-ci turunda "Səbail"i məğlub etdikləri (1:0) matçdan sonra Sportinfo.az-a açıqlama verib.
O, ilk olaraq qələbə sevincini bizimlə bölüşüb:
"Uzun müddətdən sonra gələn qələbə həmişə yaxşıdır. Komanda üçün ruhən yaxşı təsir edir. Bundan sonra vacib olan daha çox qələbə əldə etməyə davam etməkdir".
Qarşılaşmanın taleyini həll edən qolu Nimeli vursa da, ona kimi meydanın dərinliyindən topu götürüb uzun reyd edən Rezabalanın da əməyi böyük idi. Lakin ekvadorlu legioner epizodu şərh edərkən təvazökarlıq göstərməyə çalışıb:
"Assist etmək və ya qol vurmaq həmişə vacibdir. Amma ən vacib olan komandamız üçün qələbədir. Hər zaman klub üçün əlimdən gələni etməyə çalışacağam".
XANOĞLAN
