Premyer Liqanın ilk dövrəsində 7 xal toplayan «Sumqayıt»ın futbolçuları cəzalandırılıb.
Konfrans Liqasının ilkin mərhələsində «Fehervar»a uduzmuş, ardınca ölkə çempionatına uğursuz start vermiş «kimyaçılar» mükafatdan məhrum edilib.
Söhbət yarışın birinci yarısında əldə olunan 2 qələbə və 1 heç-heçəyə görə mükafatdan gedir.
Klub rəhbərliyi qeydə alınan göstəricilərdən kəskin narazıdır və etirafını bu formada bildirməyi lazım bilib.
Gərək Samir Abasov və oyunçular başa düşsün ki, belə çox getməz, özlərinə gəlməsi mütləqdir.
Turnir cədvəlində 8-ci olmaq «gənclik şəhəri» təmsilçisinə yaraşmır. Bu, təminat sarıdan problem yaşamayan kollektivə başucalığı gətirməyən vəziyyətdir.
SPORTİNFO.AZ
