.jpg)
Premyer Liqanın ilk 2 turunda 6 xal toplayan «Sumqayıt» mükafatdan məhrum olub.
Doğma şəhərdə keçirilən matçlarda «Kəpəz»i 2:0, «Səbail»i 2:1 udan «kimyaçılar» bonus qazanmayıb.
Səbəb? Əlbəttə, var!
«Gənclik şəhəri» təmsilçisinin maliyyə böhranı ilə üzləşməsini fərz etməyin. Bu cəhətdən klubda hər şey qaydasındadır.
Komandanın mükafat almaması birbaşa Konfrans Liqasıyla bağlıdır.
Belə ki, «Sumqayıt»lılar avro-turnirin birinci mərhələsində «Fehervar»a uduzaraq, mübarizəni erkən dayandırıb. Evdə 1:2 hesabıyla yenilən, Macarıstanda 0:0 edən kollektiv rəhbərliyin ümidlərini doğrultmayıb.
Odur ki, Premyer Liqada qeydə alınan 2 qələbənin maddi sarıdan qiymətləndirilməməsini avrokuboklara vidanın qarşılığı, yəni, cəzası saymaq olar.
SPORTİNFO.AZ
