"Sumqayıt" Konfrans Liqasının 2-ci təsnifat mərhələsinin "Fehervar"la cavab matçı üçün Macarıstana yollanıb.
Təbii ki, evdə rəqibinə 1:2 məğlub olan komandamızın mərhələ adlamaq şansı daha az qiymətləndirilir.
Bu dəfə komandamız hesabda geri olmaqla bərabər, həm də rəqib meydanında çıxış edəcək.
Lakin "kimyaçılar"ın vitse-kapitanı Elvin Bədəlov Sportinfo.az-a açıqlamasında bütün çətinliklərə rəğmən oyunun keçiriləcəyi Şekeşvehar şəhərinə ümidli yollandıqlarını bildirib:
"Əlbəttə, ümidimiz var. Düzdü, evdə məğlub olduq. Üstünlük əlimizdən çıxdı. Bunun müəyyən səbəbləri var. Lakin yaxşı çıxış etdiyimizi düşünürəm.
Səfərə qələbə üçün gedəcəyik. Uşaqlara inanıram. Hər şey özümüzdən asılıdır".
XANOĞLAN