Konfrans Liqasının 2-ci təsnifat mərhələsində "Sumqayıt"ın rəqibi olan "Fehervar"ın (Macarıstan) oyunöncəsi mətbuat konfransı və açıq məşqi ləğv edilib.
Sportinfo.az xəbər verir ki, bu barədə "Sumqayıt"ın yaydığı açıqlamada bildirilib.
Buna komandanın Bakıya uçuşunun gecikməsi səbəb olıub.
"Sumqayıt"ın baş məşqçisinin mətbuat konfransı və oyunöncəsi məşqi isə öncədən qeyd olunmuş vaxtda keçiriləcək.
"Sumqayıt" - "Fehervar" görüşü iyulun 25-i, saat 20:00-da Mehdi Hüseynzadə adına Sumqayıt şəhər stadionunda keçiriləcək.
Cavab matçı isə iyulun 31-də Macarıstanda olacaq.
