"Sumqayıt"ın yeni transferi Fernando Medeiros Sportinfo.az-a müsahibə verib.
28 yaşlı brazliyalı legioner komandadakı ilk günləri və gələcək planlarından söz açıb.
- Artıq yeni komandanla bir neçə məşqə çıxmısan. Ümumi vəziyyət necədir? Adaptasiya ola bilirsən?
- Özümü çox yaxşı hiss edirəm, hamı məni çox yaxşı qarşıladı. Prezident və daha 2 nəfər mənim dilimdə danışa bilir. Bu isə klubda ilk vaxtlar mənə çox kömək edir.
- Komanda yay hazırlıq mərhələsində ilk yoxlama oyununu keçirdi. Bu matçda 90 dəqiqə meydanda oldun. Qarşılaşma haqqında nə deyə bilərsən?
- Komandanın matç zamanı necə davranması çox xoşuma gəldi. xüsusən də oyunu yaxşı idarə etdiyimiz ilk hissədə.
- Bəs debutun necə alındı?
- 90 dəqiqə ərzində özümü çox yaxşı hiss etdim və bu məni təəccübləndirmədi. Çünki tətildə çox çalışdım. Mən asudə vaxtımda məşqlərimiz tərk etmədim. Çünki nail olmaq üçün məqsədlərim var!
- Məsələn...
- İştirak edəcəyimiz yarışlarda kubok qazanmaq əsas məqsədimdir.
XANOĞLAN İMANOV
