"Sumqayıt" bu mövsüm ölkəmizi Konfrans Liqasında təmsil edəcək.
Klub rəhbərliyi avrokuboklardakı ev oyununu Mehdi Hüseynzadə adına şəhər stadionunda keçirmək üçün əməli işə start verib.
Belə ki, bir müddət əvvəl arenaya baxış keçirən UEFA nümayəndələri bəzi nöqsanlar aşkarlayıb.
"Kimyaçılar" Konfrans Liqasının 2-ci təsnifat mərhələsinin "Fehervar"la matçını 9500 nəfərlik arenada keçirmək üçün təqdim edilən nöqsanları aradan qaldırmağı düşünür.
Belə məqamda klubun sponsoru olan "Azərkimya" növbəti dəfə öz dəstəyini göstərib.
“Kimyaçılar”ın əsas sponsoru təmir üçün lazım olan vəsaiti öz üzərinə götürüb.
Adıçəkilən futbol qurğusu əsaslı təmirdən sonra ötən ilin oktyabr ayında istifadəyə verilib.
“Sumqayıt” komandası isə yalnız bu ilin fevral ayrından doğma məkanın xidmətindən istifadə etməyə başlayıb.
Maraq üçün bildirək ki, "Azərkimya" ötən ilin sonu da arenadakı əyər-əskikləri aradan qaldırmaq üçün bir xeyli xərc çəkməli olmuşdu.
Söhbət təxminən 800 min manatdan gedir.
XANOĞLAN / SPORTİNFO.AZ
