.jpg)
"Sumqayıt"ın yarımmüdafiəçisi milli komandaya getməkdən imtina edib.
Söhbət Tresor Mossidən gedir.
22 yaşlı legioner Burundin millisindən aldığı dəvətə "yox" deyib.
Səbəb isə yığmanın yoldaşlıq xarakterli görüşlərə çıxması olub.
Mossi məsafənin uzaq olmasını millidəki məşqçilərin diqqətinə çatdırıb və indiki halda klubun düşərgəsində qalmasının daha faydalı olacağını bildirib.
Burundin millisinin məşqçilər korpusu futbolçunun çempionatın ən gərgin dönəmində klubunun yanında olmaq qərarına etiraz etməyiblər.
Orta sahə oyunçusu ötən ilin yayında "kimyaçılar"a transfer olunub.
O, bu mövsüm 25 oyunda meydana çıxıb və 1 qol ötürməsilə yadda qalıb.
XANOĞLAN / SPORTİNFO.AZ
