İkinci Liqanın 2-ci turunun maraqlı matçlarından biri Şəmkirdə keçirilib.
Burada "Şəmkir" "Hypers Guba"nı qonaq edib.
Dramatik keçən görüşdə 3 xalı qazanan qonaqlar olub.
Amma bu Vüqar Nadirovun komandası üçün heç də asan başa gəlməyib.
Quba təmsilçisi öncə 2:0 önə keçib. Elə hər şey də bundan sonra başlayıb.
Komanda qısa müddətdə 2 qırmızı vərəqə alaraq meydanda azlıqda qalıb.
Ardınca meydan sahibləri 2 qol vuraraq hesabda tarazlıq yaradıb.
Məğlubiyyət qoxusu gəldiyi anda Ravil Yusifli qonaqlara nəfəs verən qolu vurub.
O, İmamverdiyevin əla ötürməsini qolla dəyərləndirib.
Azərbaycan millisinin sabiq üzvü daha əvvəl uzaqdan vurduğu baxımlı qolla da komandasına fayda vermiş olub.
Matçın qəhrəmanı olan İmamverdiyevin aktivliyi final fitindən sonra da davam edib.
O, yoldaşlarını başına yığıb, qələbəni böyük coşğu ilə qeyd edib.
XANOĞLAN / SPORTİNFO.AZ
Maraqlı görüntülərə aşağıdakı linkdə baxa bilərsiniz:
