«Futbolçular vahid proqram üzrə yetişməlidir».
Bu sözləri Sportinfo.az-a açıqlamasında millimizin sabiq müdafiəçisi Usim Nduka deyib.
Vaxtilə ölkəmizdə «Olimpik»in formasını geyinmiş nigeriyalı bildirib ki, 9-10 il ərzində azərbaycanlı futbolçuların nəyə qadir olduqlarını görüb.
Bəs onun fikrincə, bizimkilərin ən böyük problemi nədir? Usimi dinləyək:
«İlk növbədə klublarda akademiyaların olmaması və ya istənilən səviyyədə qurulmaması. Akademiya dediyim sadəcə uşaq futbolundakı komandalar deyil.
Akademiyanın binası olmalıdır, futbolçular məskunlaşmalıdır. Qidalanma, istirahət, təhsil - bu kimi şeylərə xüsusi diqqət yetirilməlidir.
Mən orada olan dönəmdə bu baxımdan böyük problem var idi».
