Premyer Liqanın 30-cu turunda "Şamaxı" doğma meydanda "Kəpəz"i qonaq edəcək.
Ötən tur Sumqayıt səfərindən önəmli qələbə ilə qayıdan meydan sahiblərinin Premyer Liqada qalmaq hədəfinə böyük ölçüdə çatdığını demək olar.
Hazırda 31 xalla 7-ci pillədə olan bölgə klubunun daha üst sıralarda yer almaq perespektivləri də kifayət qədər yüksəkdir.
6-cı sırada yer alan "Neftçi" ilə aradakı xal fərqi cəmi 4-ə, 5-ci sırada qərarlaşan "Sabah"la isə 5-ə bərabərdir.
Bunun üçün heç də pis formada olmayan "Kəpəz" üzərində qələbə mütləqdir.
Oyun öncəsi Sportinfo.az-a açıqlama verən "şirlər"in braziliyalı forvardı Maykl Tuik hər şeyin özlərindən asılı olduğunu bildirib:
"Kəpəz" əsas rəqiblərimizdən biridir. Çətin oyun bizi gözləyir.
Rəqibin xala ehtiyacı var. Qarşı tərəfi analiz etməyə vaxtımız oldu.
Son oyundakı kimi oynaya bilsək, bizə elə də çətin olmayacaq".
XANOĞLAN / SPORTİNFO.AZ
