«Şamaxı» Ayxan Abbasovun yoxluğunda bayramdan geri qayıtdı və «Zirə»yə uduzdu.

Bu səfər əvvəlkilərdən fərqləndi. Qonaqlar fiziki cəhətdən əzgin görüntü çizdi.

90 dəqiqə mübarizə aparmağa çatdırmadılar. Yalnıxz fasiləyədək nələrsə etdilər. Qol epizodları da oldu, qaçırdılar.

Düşərgədə zədəli və xəstə futbolçular az deyildi. Mən bunu Ayxan Abbasovun iki yol arasında qalmasıyla bağlayardım.

«Şamaxı» hazırlığa başladığı günləri o, Antalyada keçirdi. U-21 yığmasının başında iki oyun keçirdi,

«Şamaxı» qaldı təcrübəsiz iki köməkçinin ümidinə. Bu kimi şeylər istər-istəməz komandaya mənfi təsir edir.

Ayxan Abbasova eyni vaxtda iki yerdə çalışmaq çətin olmayacaq. Çox çətin olacaq.

Yəqin ki, o, bu barədə fikirləşəcək. Bəlkə də artıq fikirləşib, biz bilmirik.

Nə etməlidir? Bir çıxış yolu var - iki yardımçı korpusu ilə işləməlidir. Klubdakı köməkçilərini yığıb milliyə aparmamalıdır.

İndi mövsümün sonuna yaxınlaşırıq. «Şamaxı», böyük ölçüdə Premyer Liqada yerini təmin edib. Qarşıdakı yeddi turu birtəhər ötüşdürmək, 2-3 qələbə qazanmaq olar.

Problem növbəti mövsüm özünü şiddətli şəkildə göstərəcək. Payızda Avropa çempionatının seçmə mərhələsi başlayacaq, bir-birindən çətin oyunlar gözləyəcək onları.

Üç gün burada, beş gün orada - belə alınan iş deyil, Ayxan Abbasovun özü də dəhşətli dərəcədə yorulacaq.

Millidə ayrı köməkçilərdən ibarət korpusla çalışmalıdır ki, ağır yükün altında qalıb əzilməsin.

Yoxsa belə Əli aşından da olacaq, Vəli aşından da.

MUSA