Leroy Mikelsi mövsümün birinci yarısı üçün Premyer Liqanın tapıntısı hesab edə bilərik.
Mövsümün startında "Şamaxı"ya pənah gətirən almaniyalı qısa müddətdə adından söz etdirə bildi.
Onun meydana çıxdığı 16 matçda adına 4 qol, 3 məhsuldar ötürmə yazdırması da bunun nəticəsidir.
Amma qış fasiləsindən sonra 30 yaşlı vingeri tanımaq olmur.
Düzdü, uzun müddət zədədən əziyyət çəkdi.
Amma meydanda olduğu görüşlərdə də nə iləsə yadda qalmağı bacarmayıb.
Bu il onun meydanda olduğu 3 görüşdə də "Şamaxı" məğlub olub. Özü isə nə qol vurub, nə də məhsuldar ötürmə ilə seçilib.
Təcrübəli oyunçu enişinə belə izah verib:
"Mən də komandanın bir üzvüyəm. Bir oyunçunun çıxışı elə də əhəmiyyət daşımır. Bu barədə xüsus fikir bildirmək istəmirəm".
Mikelsin adı bir ara hətta "Qarabağ" və "Neftçi" kimi iddialı klublarla çəkilirdi.
Görəsən, bu məqam onun idman formasına təsir edirmi?
Əcnəbi futbolçunu dinləyək:
"Mən öz oyunuma köklənmişəm. Düzdü, "Neftçi", "Qarabağ" kimi komandaların məni istəməyi yaxşıdır.
Amma bu məni nəinki narahat edir, əksinə daha yaxşı olmağa motivasiya edir".
XANOĞLAN
.jpg)
_2.jpg)
