Bu mövsüm Premyer Liqada debüt edən «Səbail»in iki gənc futbolçusu - Emin Rüstəmov və Oruc Məmmədov yeni təklif alıb.
Onlar gələn «futbol ili»nə «Şamaxı»da başlaya bilər.
Yaxınlarda U-21 yığmasının sükanı arxasına keçən mütəxəssis adları çəkilən yarımmüdafiəçi və müdafiəçini «şirlər»in düşərgəsinə dəvət eləyib.
Çalışdırıcı bildirib ki, təklifə müsbət cavab verərlərsə, gələn sezon oynamaq şansları daha çox olacaq.
Abbasov martın 14-dən gənclər millisinin baş məşqçi postundadır. AFFA mütəxəssislə 2 illik müqavilə imzalayıb.
Tərəflər arasında razılaşmaya əsasən, o, eyni vaxtda iki yerdə işləyəcək.
Ötən ilin iyununda Şirvan təmsilçisi ilə anlaşmış baş məşqçinin növbəti mövsümü də burada keçirəcəyi dəqiqləşib. O, «şirlər»lə sözləşməsinin müddətini birillik yeniləyib.
SPORTİNFO.AZ
.jpg)
_2.jpg)
