“Səfərdə oynadığımızı nəzərə alsaq, 1 xal pis deyi, ancaq daha yaxşı ola bilərdi”.
“Şamaxı”nın qapıçısı Rikardo Fernandes komandasının “Kəpəz”lə bərabərə qaldığı matç haqda Sportinfo.az-a açıqlama verib.
Şamaxılılar 90 dəqiqə boyunca diqtə edən tərəf olsa da, yaradılan şanslar boşa verildi.
Qonaq komanda demək olar bütün komponentlərdə rəqibini üstələyirdi. Lakin 3 xalı bayram etmək mümkün olmadı.
Portuqaliyalı kiper nəticəyə görə məyus deyil:
“Ötən tur “Sumqayıt”ı məğlub etmişdik. Bura da qələbə dalınca gəlmişdik.
Qol imkanlarını dəyərləndirə bilsəydik, sonluq başqa cür ola bilərdi.
Lakin uğurlu seriyanı qorumaq baxımından heç-heçəni də sərfəli nəticə saya bilərik. Başımızı dik tutub, qarşıdakı oyunlara hazırlaşacağıq”.
Qeydə alınan 1:1 hesablı nəticədən sonra xalların sayını 21-ə yüksəldən “Şamaxı” 9-cu sıradakı “Kəpəz”i 2, sonuncu pillədəki “Səbail”i 4 xal qabaqlayır.
HƏBİB / SPORTİNFO.AZ
.jpg)
_1.jpg)
.jpg)
