"Şamaxı"nın yeni transferi Cəlal Hüseynov Sportinfo.az-a açıqlama verib.
Gənc futbolçumuz legioner həyatı yaşamasına baxmayaraq son dönəmlər milli komandaya dəvət almamasına aydınlıq gətirib:
"Fernandu Santuşun milli komandamıza baş məşqçi təyinatından sonra mən də oynamamağa başladım. Əsas milliyə dəvət almamağımın da əsas səbəbi budur. Normal haldır".
22 yaşlı müdafiəçi yekunda ən böyük hədəfinin yenidən ölkənin bir nömrəli komandasına qayıtmaq olduğunu dilə gətirib:
"Düşünürəm ki, "Şamaxı"ya qayıtmağım, göz qabağımda olmağım mənim üçün yaxşı olacaq.
Performansımı yaxşılaşdırmaqla yenidən milli komandaya dəvət ala biləcəm. Ən böyük hədəflərimdən biri məhz yenidən milli komandaya qayıtmaqdır".
Cəlal Azərbaycan millisinin formasını 5 oyunda geyinib.
Həmyerlimiz müqavilə ilə məxsus olduğu "Arda"da yetərincə forma şansı qazanmadığından karyerasını mövsümün sonuna kimi "Şamaxı"da davam etdirməyə qərar verib.
O, 2023-cü ilin yayından Bolqarıstan təmsilçisinin şərəfini qoruyurdu.
XANOĞLAN
