Premyer Liqanın geridə qalan bölümündə gözləntilərin üstünə çıxan «Şamaxı» transfer bazarında dayanmaq bilmir.
«Arda»dan (Bolqarıstan) Cəlal Hüseynovu icarəyə götürən, «Tallin»dən (Estoniya) Murad Vəliyevi, «Səbail»dən Vüsal Məsimovu sıralarına qatan «şirlər» ölkə xaricində də çalışmalarını sürətləndirib.
Əyalət təmsilçisi uzun sürən danışıqlardan sonra bir legionerlə sövdələşib. Andre Tîrkoveanu bu ildən ölkəmizdən çıxış edəcək.
Rumıniyalı yarımmüdafiəçi ilə mövsümün sonunadək müqavilə imzalanıb. 27 yaşlı orta sahə oyunçusu Buxarest «Dinamo»sunun yetirməsidir.
O, 2004-cü ildən 2016-cı ilədək paytaxt təmsilçisinin şərəfini qoruyub. Növbəti iki ili isə icarə əsasında
«Qaz Metan Mediaș»da keçirib. Növbəti illərdə isə ««Viitorul Konstanța», «Konkordiya», «Botoşani» və «Argeș Piteşti»nin uğurları üçün tər töküb.
2024-cü ildə Kanadaya yollanıb və «Pakifik»lə müqavilə imzalayıb və 22 oyuna çıxıb.
Andre Rumniyanın U-16 və U-17 yığmalarının da formasını geyinib.
SPORTİNFO.AZ
