Premyer Liqanın 13-cü turunun maraqlı görüşlərindən biri “Neftçi Arena”da baş tutacaq.
Tarixinin ən bərbad dönəmini yaşayan “Neftçi” 5 oyundur qələbə üzünə həsrət qalan “Şamaxı”nı qəbul edəcək.
Matçın yekun nəticəsi hər iki komanda üçün böyük əhəmiyyət daşıyır. Meydan sahibləri qalib gələcəyi halda turnir cədvəlində “Şamaxı”nı geridə qoyub, “Sumqayıt”la “Sabah”a yaşanacaq.
Əksi baş versə, şamaxılıların yenidən 6-cı pilləyə yüksəlmək şansı artacaq.
“Şamaxı”nın albaniyalı hücumçusu Belajdi Pusi Sportinfo.az-a açıqlamasında “ağ-qaralar”a oyun barədə söz açıb:
“Çempionatda asan oyun yoxdur. İstənilən rəqibə qarşı mübarizə aparmaq çətindir, o cümlədən “Neftçi”yə qarşı.
Rəqibin nəticələrinə və oyununa yox, öz performansımıza baxmalıyıq. Biz hər oyuna 3 xal qazanmaq üçün çıxırıq.
Bu dəfə də məqsədimiz eyni olacaq. Sona qədər mübarizə aparıb, istəyimizə çatmağa çalışacağıq”.
Noyabrın 8-də “Neftçi Arena”da baş tutacaq duel saat 15:00-da başlayacaq.
HƏBİB
.jpg)
