Azərbaycan Premyer Liqasının VIII turunda "Şamaxı" "Turan Tovuz"la heç-heçə edib.
Sportinfo.az xəbər verir ki, qarşılaşma 2:2 hesabı ilə başa çatıb.
Tovuz təmsilçisinin heyətində Sadiq Şəfiyev 5-ci dəqiqədə hesabı açıb. Meydan sahiblərindən Belajdi Pusi 48-ci dəqiqədə tarazlığı bərpa edib.
89-cu dəqiqədə Arsen Ağcabəyov Şamaxı klubunun ikinci qoluna imza atıb. 90+8-ci dəqiqədə isə Kristian da Silva penaltini dəqiq yerinə yetirib.
Bu nəticədən sonra xallarının sayını 15-ə çatdıran qonaqlar 4-cü pillədə qərarlaşıb. "Şamaxı" 12 xalla 6-cı sıradadır.