Bölgədə keçirilən “Şamaxı” – “Zirə” oyununda Rəşad Sadıqovun başı dərddə idi.
“Şirlər”in bütün ev oyunlarında tribunadakı yerini tutan ahıl azarkeş bu dəfə də stadiona təşrif buyurmuş, ənənəsinə sadiq qalaraq qonaq komandanın baş məşqçisini hədəfə almışdı.
Yaşlı kişi 90 dəqiqə dayanmadan “Şamaxı”nın bütünlüklə yerli futbolçulara şans verən yeganə komanda olduğunu insanların diqqətinə çatdırır, legionerlərə güvənən qonaq komandaya iradlarını çatdırırdı.
“Milliyə futbolçu lazımdır, legioner yox” sözləri dilindən düşmürdü.
Bir neçə dəfə Rəşad Sadıqovun adını çəkib, ürəyindəkiləri boşaltdı. “Qartallar”ın baş məşqçisinin dayıya cavabı gülümsəmək oldu.
Hətta epizodların birində azarkeşin “Rəşad, oynaya bilmir, dəyiş onu” (yerə sıxılan Moiz Adileunu nəzərdə tutmuşdu – H.) deməsinə baş məşqçi barmağı ilə əla işarəsiylə cavab verdi.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN:
.jpg)
