"Edqar Adilxanov mövsümün kəşfi ola bilər".
Bu iddia ATV kanalında yayımlanan “Futbolumuz” verlişinin aparıcısı Emin Abbasova məxsusdur.
O, “Şamaxı”nın yarımmüdafiəçisi haqda xoş fikirlər səsləndirib.
Tanınmış teleaparıcı bildirib ki, son 1 ayda Ayxan Abbasovun sevgisini qazanan gənc oyunçu öz üzərində işləməyə davam edərsə, hamı ondan danışacaq.
“Şamaxı” bugünlərdə Edqar Adilxanovla müqaviləni yeniləyib. 19 yaşlı yarımmüdafiəçi ilə budəfəki sözləşmənin müddəti iki il yarımdır.
Adilxanov bu mövsüm Premyer Liqada 10 oyuna çıxıb, 2 qol vurub.
Qusarlı gəncin kontraktı gələn ilin yayında bitməli idi. Əyalət təmsilçisi onunla əməkdaşlığı davam etdirmək fikrinə təsadüfən düşməyib.
Dekabr ayından etibarən əsas heyətdə özünə yer edən Edqar beləcə, Ayxan Abbasovun verdiyi imkandan maksimum yararlanıb, yaxşı təsir bağışlayıb.
Əslində, baş məşqçi bu addımı məcburiyyətdən atıb. İlkin Muradov, Adil Nağıyev və Georgi Kantariyanın ayırlmasından sonra ilk «11-liy»i qurmağa çətinlik çəkən çalışdırıcı üzünü ehtiyat skamyanın «daimi sakinlər»inə tutmalı olub.
Adilxanov ay ərzində sərgilədiyi əla oyunla «Qarabağ» başda olmaqla, Premyer Liqanın iddialı klublarının diqqətini çəkib.
Ona yalnız yerli deyil, eyni zamanda, xarici komandalardan bir neçə təklif gəlib.
SPORTİNFO.AZ
VİDEONU BU LINKƏ DAXİL OLARAQ İZLƏYİN
