“Neftçi”ylə səfərdəki heç-heçədən sonra komandada atmosfer yaxşıdır.
Həftəboyu “Sumqayıt”la oyuna hazırlaşmışıq”.
“Şamaxı”nın kapitanı Adil Nağıyev Sportinfo.az-a açıqlamasında komandasının qarşıdakı matçı ilə bağlı danışıb.
Həftəsonu Sumqayıtda baş tutacaq görüş prinsipial xarakter daşıyacaq. Sumqayıtlılarla şamaxılılar eyni xala (13) sahib olduğundan, udan tərəf turnir cədvəlində irəliyə doğru ciddi addım atmış olacaq.
Nağıyev məhz bu məqama toxunaraq oyunun gərginliyindən, “Şamaxı”nın hədəfinsən söz açıb:
“Bizi çətin oyunun gözlədiyini yaxşı bilirik. “Sumqayıt” xüsusən öz meydanında, doğma azarkeşlərinin qarşısında inamlı təsir bağışlayır. Ancaq biz də iddialıyıq.
Xallar eynidir deyə, bu matç hər iki komanda üçün çox vacibdir. Qazanacağımız mümkün qələbə bizi yuxarı pillələrə qaldıra bilər.
İstəyimizə çatmaq üçün əlimizdən gələnin ən yaxşısını edəcəyik. Komandada hər kəs oyunun başlamasını gözləyir”.
Noyabrın 24-də Mehdi Hüseynzadə adına Sumqayıt şəhər stadionunda baş tutacaq görüşün start fiti saat 19:00-da çalınacaq.
HƏBİB
.jpg)
